“BULAQDA ÇİMƏN ŞİRİN“

Bu illüstrasiya ustalarının sevimli mövzularından biri olmuşdur.
Beləliklə, Şapurun Xosrov haqqında söylədiklərindən təsirlənən Şirin saraydan qaçır. Yolda yorulan, dağların, təpələrin toz-dumanına bürünən Şirin atını yaxınlıqda kimsəsiz çəmənlikdə bir ağaca bağlayır və çimmək qərarına gəlir.
Eyni vaxtda düşmənləri tərəfindən şərlənmiş Xosrov, atasının gözlənilən sui-qəsddən qəzəblənəcəyindən qorxaraq dolambac yollarla Azərbaycana qaçır.
Məhz həmin vaxt aylı gecədə bulaq başında onlar ilk dəfə görüşürlər. Lakin utanaraq bir-birindən gizlənən sevgililər tanış olmağa imkan tapmır, söhbət edə bilmirlər. Çünki, Xosrov Şirinin qarşısına adi bir döyüşçü libasında çıxır. Şapurun çəkdiyi şəkillərdə isə Xosrov qırmızı rəngli, dəbdəbəli geyimlərdə təsvir olunurdu. Şirin onu görən kimi saçları ilə üzünü gizləyir.